واحد صاحبي بعتلي وبيسألني ويقولي أنتوا فاكرين أنكم بأقامتكم في الشوارع واعتصامكم حترجعوا مرسي .. دا أنتوا لو قعدتوا طول حياتكم مش حيرجع بالأسلوب ده
قعدت افكر .. بالمنطق كلامه صحيح مستحيل بمعني الكلمة انه يرجع بالشكل ده
طب ايه اللي مقعدنا واحنا واثقين انه راجع !!
انا حسأل سؤال .. هي غزوة الأحزاب انتهت ازاي .. ناس متحاصرة من قدام وناس اتخانت من ورا من اليهود وفي منافقين في النص بينهم ازاي انتصروا .. بتدخل رباني كامل بالريح
حتقولي ده نبي يا حلو ولازم ربنا ينصره بمعجزة بردوا
ماشي .. في عهد الخليفة الراشد السابع - وليه السابع ومين اللي قبله دول كلهم - حتكلم عنهم بعدين .. المهم في عهد نور الدين محمود يروي ابن الأثير انه عندما كان صغير وقفوا في يوم من الأيام علي أسوار عكا فلم يروا البحر .. عكا اختفي فيها البحر
كيف اختفي البحر ؟؟!
كان البحر يمتلئ بسفن الصليبيين وكان عدد الصليبيين في هذه الحملة ٣٠٠ ألف صليبي فعندما رأي نور الدين البحر بكي وقال استنجد بملوك وأمراء العرب لمحاربة الصليبيين فلا يمدوني إلا بثماني آلاف جندي فقط .. هنا تكلم كمال الدين الشهرزوري قاضي نور الدين وقال له أنها مؤتة يا أمير .. هنا ارتاح نور الدين وذهب يصلي ركعتين فلما انتهي منهم قامت عاصفة لمدة ثلاث ليالي كاملة أغرقت السفن كلها بكل الجنود ال ٣٠٠ ألف ولم بتبقي منهم سوي ٢٠٠ صليبي فقط هنا امسكهم اسد الدين شيركوه وقال اقتل يا أمير فقال له لا فوالله هذه المعركة لم يقم بها حد سوي الله فحضر لهم سفينة تنقلهم من حيث أتوا ليخبروا عما رأوا
إذن النصر اللي احنا مستنينوا حيجي بالشكل ده من تدخل رب الارض والسماء ..
طب ايه المطلوب بقي ؟؟
قبل المطلوب نشرح اللي احنا فيه الأول وليه النصر متأخر وبعدين نشوف المطلوب
اللي احنا فيه ده ابتلاء كامل الأوصاف .. نعم ابتلاء
طيب اللي احنا فيه ابتلاء من اي نوع ؟؟!
الابتلاء اللي احنا فيه ده ثلاث أنواع من الابتلاءات
ابتلاء نتيجة ذنب - ابتلاء نتيجة تقصير - ابتلاء لتقوية للصف
أولا ابتلاء نتيجة ذنب .. لا ينكر احد أننا لا نخطئ لكن أكيد في ذنب كده كل واحد ممكن يكون عامله هو اللي مأخر النصر فلابد ان نلقي علي انفسنا الأول اللوم ونبدأ بالاستغفار والتوبة حتي يفتح الله علينا أبواب رحمته ونصره
ثانيا ابتلاء نتيجة تقصير .. نعم نعترف جميعا أننا قصرنا في بعض الأمور والتقصير ده مش من فرد الدكتور محمد مرسي ولا من حكومته بل انا أراهم لم يقصروا بل بذلوا مجهودا لابد ان يشكروا عليه لكن التقصير من كل فرد في المجتمع الذي انقلب مراقب عام للوضع العام وده حلو وده وحش واعمل كده وهو مش شغال شغله ولا بيقترح حلول للمشاكل اللي شايفها ده تقصير عام وهناك تقصير خاص لحاملين المشروع الإسلامي وبالأخص الاخوان أنهم انقلبوا بعد الثورة إلي جهاز answer machine بيرد علي المهاجمين علي الاخوان او أي قرار دون عمل لذلك كان هذا الابتلاء لتنبيههم انه افيقوا كفي دفاعا اعملوا فعملكم هو من سيتحدث عنكم
الابتلاء الثالث هو ابتلاء لتقوية الصف المسلم .. وهذا لابد منه لتقويته ليحمل المشروع الذي به سيُحرر المسجد الاقصي ويُقيم العدل ويُعيد الخلافة فلزم الابتلاء لتقوية الصف
ايضا من أسباب تأخر النصر هو ان أمرين
الأمر الأول ان الله تعالي أراد ان يميز الخبيث من الطيب ليُقام الدين والإسلام علي أكتاف أناس يستحقون وليس أي احد
الأمر الثاني وهو من وجه نظري انه كقصة أصحاب السبت فعندما نتمعن جيدا في قصة أصحاب السبت نجد انه هناك ثلاث أنواع من الناس نوع يفعل السيئات ويعتدي في السبت ونوع ينهي عن السيئات ونوع قالوا ( لم تعظون قوما الله مهلكهم أو معذبهم عذابا شديدا ) فكانت العاقبة ان الله تعالي عذب الذين يعتدون والذين صمتوا ولم ينهوا لذلك آري ان الله تعالي أراد ان يُأخر النصر حتي يَفيق بعض من الناس الذين هم صامتون الآن حتي لا يعذبهم الله علي أنهم رأوا الحق ولم يتبعوه وسكتوا علي الباطل
بعد ما عرفنا النصر حيجي ازاي وايه سبب اللي بيحصل وايه سبب التأخير .. دلوقتي عايزين نعرف ايه المطلوب علشان النصر يتحقق ؟؟!
الإكثار من الدعاء لكن في شرط لابد ان نأخد بالنا منه وهو قول النبي صلى الله عليه وسلم ( ادعوا الله وأنتم موقنون بالإجابة ) ولنعلم جيدا ان (( إن الله حييّ كريم يستحيي إذا رفع الرجل إليه يديه أن يردّهما صفراً خائبتين )) ولا نقل احنا بندعي بقالنا ٤٠ يوم ولم يُستجاب .. احب افكرك بحديث النبي صلي الله عليه وسلم ( ما من مسلم يدعو بدعوة ليس فيها إثم ولا قطيعة رحم إلا أعطاه الله بها احدى ثلاث : إما ان يعجل له دعودته , وإما أن يدّخرها له في الآخرة , وإما أن يصرف عنه من السوء مثلها , قالوا : إذاً نكثر , قال : الله أكثر )
الأمر الثالث التوكل علي الله واليقين أن النصر قادم والله تعالي هو من سيحقق النصر ولاتوكل علي بشر .. دولة او فرد او مبادرة أو أي شئ
انا اعلم ان الأغلبية تعلم كلامي ولكن انا قولته من باب فذكر فان الذكري تنفع المؤمنين .. نفع الله بنا وبكم ورزقنا الله وإياكم الإخلاص في القول والعمل
